Congress president in Himachal hruaitute a thiat

Congress president in
Himachal hruaitute a thiat
Congress president Mallikarjun Kharge chuan tunkar khan Himachal Pradesh congress committee-a state unit pumpui, district president leh block congress committee te chu a thiah thu a sawi.
Congress general secretary KC Venugopal hminga lehkha tihchhuahah chuan lehkha an hmuh atanga dan chu lekkawh nghal tur a nih thu sawi a ni a, he thil hi Himachal congress siamthat tumna zinga mi nia ngaih a ni.
Himachal Pradesh Congress-ah hian an president ni mek Pratibha Singh chu an party thutlukna siamtu sang ber Congress Working Committee (CWC) member a nih tawh avangin a bang mek a, ani hi an CM hlui Virbhadra Singh nupui niin, president hna hi kum 2022 atang khan a chelh a ni.
Himachal congress hian buaina nasa tak a tawk meka sawi a ni a, February thlaa Rajya Sabha inthlan an hmachhawn lai pawhin an MLA te chuan an party mi vote lovin an duhsak zawng an vote avangin BJP candidate Harsh Mahajan chuan a tlin phah a. Central chuan an chungthu relthatsak a tum mek a ni.