Congress ten caste-census neih ngei duh

Congress Working Committee (CWC) te chuan darkar li zet sawihona an neih hnuah caste census chu an duhthu sawiin resolution an siam nghal tiin Congress chief hlui Rahul Gandhi chuan a sawi.
CWC meeting neih zawh hnuah Gandhi chuan All India Congress Committee (AICC) headquarters ah press conference a nei zui nghal a. CWC chuan tunlai politics bakah Women’s Reservation Bill, ram pum huapa caste census neih leh Assembly elections heng Rajasthan, Madhya Pradesh, Chhattisgarh, Telangana leh Mizoram a neih tur te an sawiho bawk.
“Kan chief minister \heuh ten caste census chu an State-ah neih vek an duh a ni,” tiin Gandhi chuan a sawi a. INDIA alliance a party tam ber te pawhin caste census neih chu an thlawp tiin a sawi bawk.
Gandhi chuan rorel lai Bharatiya Janata Party (BJP) te chu caste census nei lo thei lovin an siam dawn tiin a sawi bawk a. An kalpui duh lo a nih chuan an insaseng mai tur a ni tiin a sawi bawk.
Hei hi caste emaw sakhua emaw lam a ni lo mirethei te chungchang zawk a ni, tia sawiin caste census chuan chiang takin ‘Hindustans pahnih siam tumna a ni’ tiin a sawi bawk a. Prime Minister in ngawih a chuh tlat chu a hriatthiam loh thu sawiin Prime Minister chu caste census kalpui tur pawha laktlakloh tiin a sawi bawk a.
“He issue hi chu kan tan politics thil a ni a, social justice thlentir duhna zawk a ni,” tiin a sawi bawk.
“Keini Congress te hian Chief Minister pali kan neih a\anga pathum lai chu OBC Chief Minister an ni a. BJP te chuan Chief Minister 10 an neihah pakhat chauh OBC a ni ” tiin Rahul Gandhi chuan a sawi bawk.
Press Conference a neihnaah hian Himachal Pradesh CM Sukhvinder Singh Sukhu, Rajasthan CM Ashok Gehlot, Karnataka CM Siddaramaiah, leh Chhattisgarh CM Bhupesh Baghe te chuan an \awiawm a ni. Gandhi chuan hun reilote hnuah BJP te chuan OBC chief minister pakhatmah an nei lovang a ti bawk a, hei hi Madhya Pradesh Chief Minister Shivraj Singh Chouhan a kahna anga ngaih a ni.