Congress thuneitu sang ber member tur te chu thlanchhuah ni dawn lovin tih dan phung pangngai ang bawkin president thar Mallikarjun Kharge chuan a ruat leh dawn.
“Congress’s Steering Committee chuan lungrual takin party chief Mallikarjun Kharge chu CWC (Congress Working Committee) members te ruat turin a ruat,” tiin general secretary in-charge communications Jairam Ramesh chuan a sawi.
Thutlukna siam nan hian an lungrual vek lo tia sawi ni thungin, hruaitu heng Ajay Maken, Abhishek Manu Singhvi leh Digvijaya Singh te chuan Raipur a inhmuhkhawmna Congress 85th Plenary session kal zela neihah inthlan an duh tia sawi a ni a. Singhvi phei chuan kum 2024 national election zawhah tal inthlanna neih ni se tiin a rawt tia sawi a ni.
Senior Congress leader Dinesh Gundu Rao thung chuan, “Congress ah ngahdan hrang a awm lo. Mallikarjun Kharge ah rinna kan nghat a, a kut tihchak a duh a, tichuan Congress a chak phah thei dawn a, Congress tana tha ber turin a thawk ang,” tiin a sawi.
Meeting-ah hian Sonia Gandhi, Rahul leh Priyanka te an tel lo va, Kharge chu zalenna famkim pein thutlukna siamah inrawlhna an nei lo a. Mahse, conclave chhunzawmna lamah erawh an tel dawn thung.
Congress ten CWC member thlang lovin ruat chhuak leh dawn
Get real time updates directly on you device, subscribe now.
Next Post