Zirlai naupang chu kum 6+ a nih hnuah chauh Class I-a admit theih a ni tawh ang a, a hmaa kum 5+ tih chu tihtawp a ni tiin Education Ministry chuan States leh Union territory te hnenah a hriattir a. Tu dinhmunah State thahnem tak te chuan Class I admission lakah age formula hrang hrang an hmang a ni.
Tuna Centre thutlukna siam hi National Education Policy in schooling system a naupang te luhtira foundational learning an neih siam that nana hmalakna niin a hmaa Ministry of Women and Child Development atangin Education Ministry kutah dah a ni tawh a ni.
NEP 2020 hman hma kha chuan naupang kum 3 atanga kum 6 inkar te chu 10+2 formal schooling structure ah telh a ni lo va. Tunah erawh naupang kum 3 atanga kum 8 te chu foundational section ah dah niin- pre-school-ah kum thum leh primary school-ah kum hnih an kal hnuah preparatory, middle leh secondary section ah 5+3+3+4 formula hman a ni. Naupang kum 3 mi lek an nih atanga zirna kalpui tan chu a pumpuia learning, development leh well-being hisapa tha ber tura ngaih a ni tiin NEP chuan a tarlang.
-- Advertisement --
‘Preschool tha mamawh’
Department of School Education and Literacy chuan State leh UT tin te chu ‘Grade-I admission chu kum 6+ atang chauha la turin’ a hriattir niin Education Ministry thuchhuah chuan a tarlang a. Naupang chu school an kal tak tak hmain preschool-ah kum thum kal phawt se tih a ni a, chu chu anganwadi a ni emaw sorkar, NGO leh private player tena preschool an kalpuiah pawh kaltir theih vek a ni.
March 2022 thleng khan Centre-in Lok Sabha a chhanna a pekah State hrang hrang tena age criteria an siam inang lo nuaiin State 14 leh Union Territory te chuan naupang kum ruk pawh la tling lote chu Class I-ah an luhtir tawh tih a ni a. Assam, Gujarat, Puduchery, Telangana leh Ladakh-ah te chuan naupang kum 5 tling tawhte chu Class I ah an thu thei tawh a. Andra Pradesh, Delhi, Rajasthan, Uttarakhand, Haryana, Goa, Jharkhand, Karnataka leh Keralah te chuan school kal nan kum 5 nih phawt ngai a ni thung.
C.B. Mishra, principal of Delhi’s Prudence School chuan naupang school kal tir phal chin chu inang tlanga neih a ngai a ti a. Delhi ang te chuan kum tinin April 1 chu admission hun atana a hawn niin he hunah hian naupang chu kum 6 a nih hman a ngai a, State dangah chuan January 1 emaw July 1 a ni thung a ti a. Central sorkar school Kendriya Vidyalayas te chuan cut-off date ah July 1 an hmang thung.
“6+” rule hi Kendriya Vidhyalayas ten academic year hnuhnung ber khan an kalpui tan a. Hei hi duh lovin nu leh pa thenkhatte chuan Supreme Court-ah an khing a, hei hi court chuan NEP behchhana kal tiin a hnawlsak a ni.