Congress ten Delhi ordinance thlawp dawn lo

Congress te chuan Delhi servives thunun tuma Centre in ordinance a chhuah chu an hnial bur tur thu sawi chiangin central sorkar chu ‘federalism tihchhiat tum’ tiin an puh bawk.
Congress general secretary K.C. Venugopal chuan an party dinna chu a chian thu sawiin Centre-in opposition te rorelna state-a governor te kaltlanga rorelna lekkawh a tum chu an duh loh thu sawiin hei vang hian Parliament-ah pawh Delhi ordinance chu an dodal dawn tiin a sawi a.
“Union government berin federalism tihchhiat a tumna hi kan duh lo a ni. Central sorkarin opposition rorelna state te governor hmanga rorelsak a tumna rilru hi kan duh lo va. Kan dinnaah kan chiang a, Delhi ordinance hi kan thlawp dawn lo,” tiin Venugopal chuan a sawi.
Hei vang hian Delhi a sorkar mek Aam Aadmi Party te chuan Thawhtanni atanga Bengaluru a opposition meeting tum hnihnaah an tel phah dawn ta bawk.
AAP te chuan Congress te chuan Delhi ordinance chungchangah an ngaihdan an sawi chiang tur a ni tia kar rengin chumi hnuah chauh chuan opposition party meeting neih leh huna an tel leh tel loh tur an tichiang ang an lo ti tawh bawk.
Aam Aadmi Party leader Raghav Cahdaha chuan Congress thutlukna chu lawmawm tia sawiin hmasawnna duhawm tiin a sawi bawk.