Lok Sabha-a Congress leader Adhir Ranjan Chowdhury chuan Speaker Om Birla hnenah party leader Rahul Gandhi disqualification chungchang chu debate a ngiatin a thlen a.
Phek hniha lehkhathawn a siamah Chowdhury chuan Bharatiya Janata Party leader Naranbhai Kachhadiya chu April 13, 2016 a thubuai a neiha district court-in kum thum lung in tang tura a tihah disqualify nghal ni lovin Lok Sabha member la nih chhunzawmtir a ni, a ti a.
“Shri Kachhadiya khan High Court-ah a khing let a, Hon’ble High Court chuan April 18, 2016 khan a hnawlsak a, mahse, Hon’ble High Court chuan hremna la kalpui loh turin a ti thung a. Section 8 of the Representation of the People Act 1951 hmangin Shri Kachhadiya kha House member a nihna atanga disqualify nghal tur a nih laiin Hon’ble Speaker chuan Hon’ble member a nihna angin a disqualify nghal duh lo,” tiin Chowdhury chuan sawiin a hnuah Kachhadiya chu Supreme Court-in thiam a chantir zui thu a sawi bawk.
Rahul Gandhi ve thung chu Surat court-in thiamloh a chantir hnu chiahah disqualify nghal a ni a ti a, court ngeiin kum hnih lung in tang tura a tihna chu thla khat chhunga insawifiahna hun a pe chungin disqualify nghal a ni, a ti bawk a.
“Section 8 of the Representation of the People Act 1951 hmanga member disqualify a nih dawnin thil pahnih ngaihtuah tur a awm a. Pakhatna chu thiam loh chantir a ni ngei tur a ni a, pahnihna chu hremna chu kum hnih aia tlem lo lung in tantirna a ni ngei tur tih a ni bawk,” tiin Congress leader chuan a lehkhathawnah a ziak a.
Member disqualify an nih dawnin a chunga tehna pahnih khi ngaih pawimawh ber tur a ni a ti a. “Ka ngaihdan chuan tehna pahnihna hi Representation of People Act in a huam loh niin a chhan chu Shri Rahul Gandhiji chu trial court ngeiin a suspend vang a ni,” tiin a sawi bawk.
Hei vang hian kan hruaitu Rahul Gandhi hremna leh disqualify a nihna hi House-ah sawiho a nih ngei kan phut a ni tiin a sawi bawk.
Congress ten sawihona neih ngei dil
Get real time updates directly on you device, subscribe now.
Prev Post