Congress Thalai-in duhsakna hlan
Lunglei Municipal Council inthlana tlingtharte chu an lawmpuiin Lunglei tana theihtawp chhuaha hna thawk turin duhsakna an hlan tih Congress Thalai chuan an sawi.
Congress Thalai Hqrs. thuchhuak chuan, LMC inthlan result tluang taka chhiar zawh a ni chu lawmawm tiin, Congress party candidate vote tu zawng zawng chungah lawmthu a sawi bakah Congress party tana theihtawpa hna thawktute inpekna lawmawm an tih thu a sawi.
Inthlana tlingtharte lawmpuina chibai bukin, Lunglei khawpui tana theihtawp chhuaha hna thawk turin duhsakna a hlan tih a sawi a. Inthlanna dik leh fel tak buatsaihtute leh thawktute chungah pawh lawmthu an sawi tih a sawi bawk.
‘LMC sawrkar thar piang hi tluang taka kal turin duhsakna kan hlan a, hma an laknate uluk takin kan vil zui dawn. Sawrkar tha a din theihna’n a tulna apiangah finchhuah kan inpeih reng a, khalhngil an ngaihna kawngah pawh thurawn kan pe zel dawn a ni,’ a ti.
Congress Thalai-in duhsakna hlan
Get real time updates directly on you device, subscribe now.
Prev Post
Next Post