Consumer Outreach Programme buatsaih

Telecom Regulatory Authority of India (TRAI) Regional Office Kolkata chuan inbiakpawhna leh a service kaihhnawih hmangtu mipui tinzawmin TRAI-in telecom service consumer-te dikna leh chanvo kawnga an humhim dan leh hemi chungchanga hmalakna puanzar leh inhrilhzauna – Consumer Outreach Programme a buatsaih.
He hunah hian tunlaia inbiakpawhna lama hmasawnna hrang hrang awm mekah TRAI chuan mawhpurhna leh dinhmun sang tak a neih thu te, inbiakpawhna a bikin tunhnaia 5G services Mizorama tan a nih theih nana state sawrkar hmalak dante sawi a ni.
Department of Telecom Mizoram director Lalhma Chhuana chuan telecom tower atanga radiation chhuak mihring tana a pawi tia sawi leh thehdarh thin chu thudik tawk lo a ni tiin, a hlauhawm loh tih a sawi a. Hei bakah hian TRAI hnathawhte inhrilh a ni bawk.