LESDE leh TiLi thawkdun dawn

Labour, Employment, Skill Development & Entrepreneurship (LESDE) Department leh Tharthilthlentu – Entrepreneurship & MSME Support (TiLi) chuan entrepreneur leh startup-a Mizo thalaiten hma an sawnna turin kum khat atana inremna thuthlung an ziak.
LESDE secretary Lalramsanga Sailo chuan TiLi chu entrepreneurshp bika thawhpui tura inremnna thuthlung an ziahpui hmasa ber a nih thu sawiin, LESDE department-in skill development hmalakna nasa tak an neihte a sawi a. Thahnemngai taka Mizo thalaite tana an theihna hmang tur leh thalaite chu skill development leh entrepreneurship lama bung thar kaipui turin TiLi chu a sawm.
TiLi chairman LTL Fela chuan Mizote chu Mizoram chauh ni lo, India ram bakah khawvel huapah pawh kan thleng phak ve thei tih sawiin, tuna Startup India hnuaia official incubator an nihna pawh ram pawn thleng phaka hman ngei an tum tih a sawi.