Consumer Right Ka tawnhriat |henkhat

Lallunghnema
Charity Lodge
Cont: 9862288182

Chhiartute chibai ka buk a che u.
Zirtawpni tha leh tluang tak a inhman liam theih nan duhsakna sang ber ka hlan a che u.
Kan hriat angin Consumer-te inhumhimna turin India Sawrkar ropui tak chuan The Consumer Protection Act 2019 chu a duang chhuak a. A kum lehah The Consumer Protection Rules 2020 chu siam peih lehin kum 2020 vek hian Regulation leh Mediation chungchangte a lo duang chhuak leh ta a. Mediation leh Regulation te hian Consumer Commission-te hi Quasi-judicial an nihzia an tichiang hle a ni.
Mi zawng zawng consumer kan ni a, naupangte pawh consumer an ni a. Sweet an lei a, buble gum an lei bawk a. Chuvangin consumer an ni hliah hliah a ni. Tin, mi tha leh zung(service) leitu leh hmangtute chu consumer an ni tih hi ka sawi nawn leh duh a ni. The Consumer Protection Act 2019 sec 2(7)-ah hian chiang takin tarlan a ni a. Thu buai hla buai kan neih pawh a, kan tan chhan tur chu he section 2(7) hi a ni.
Saptawngin hetiang hian tarlan a ni a. “Consumer” means any person who:
(1) buys goods for a consideration which has been paid or promised partly paid and partly promised or under any system of deferred payment and includes any user of such goods other than the person who buys such goods for consideration paid or promised partly paid or partly promised or under any system of deferred payment, when such use is made with the approval of such person, but does not include a person who obtains such goods for resale or for any commercial purpose, or
(2) hires or avails of any services for a consideration which has been paid or promised or partly paid and partly promised or under any system of defined payment and includes any beneficiary of such service other than the person who hires or avails of the services for consideration paid or promised, or partly paid promised or under any system of deferred payment, when such services are availed of with the approval of the first mentioned person, but does not include a person who avails of such service for any commercial purpose.
Explanation: “Commercial purpose” tih hian self-employment atana lei leh hmanna a huam lovang.
Sap tawnga ka tarlan hi ngun takin chhiar ila ‘mi tin’ tih hi a dik em em a ni. Naupang, pitar, putar pawh, piangsual leh chanhai pawh, mi fing leh mi â pawh, Pastor leh Kohhran Upa te pawh, Minister-te pawh, MLA- te pawh min huam vek a ni.
Mahse, ringlo mite hnena Chanchin |ha sawi ang deuh a ni a,(he thil hi) consumer an nih hi mipui mimir hian zu pawm tha duh tlat lova! A sak hle a nih hi! Harsatna an neih erawh chuan inthlahrunna nei miah lovin activist te an pan leh lawi si a. Mak tak a ni! Vai ramah chuan an ni ve lo. Vairamah chuan “consumer” lam rik a ngai lo. An thil leia an lungawi loh chuan an sawisel “complaint mai a ni. Keini Mizo tam zawk chuan dawrkaiho kan hlau tlat! Kan diknaah ngei pawh kan tlan chhe mai zel. A huhovin kan pawr a, kan huai! Mahniin kan dawihzep hle si. Hei hi kan thanmawh bawk a ni.
Tunah chuan consumer-te chakna leh thahrui, Consumer Right kan sawi ang.
Consumer Protection Act 2019 sec. 2(9) ah hian consumer right 6 tarlan a ni a, a bak pawh sawi sep tur a awm. Chung consumer right (an dikna leh chanvo te chu)
1) The Right to be protected: Mihring taksa leh nunna atana hlauhawm bungrua hralh, lei leh hman laka consumer-te venhim.
2) The Right to be informed : Bungrua lei tur quality, quantity, potency, purity, standard and price of goods, products leh un-fair trade consumer-te hriattir.
3) The Right to be assured: Thil man leh service awmze nei taka pe chhuah tura consumer hnena intiamkamna neih.
4) The Right to be heard : Consumer-ten an Dikna leh an chanvo te an hmun theih nana an harsatnate ngaihthlaksak.
5) The Right to seek redressal against unfair trade practice or unsurpulous exploitation of consumers: Consumer chuan sumdawnna dik lo avanga a tuarna leh a lungawi lohna thawidamna a zawng thei ang. Consumer commission te leh legal metrology te hi mechanism pawimawh tak an ni.
6) The Right to consumer awareness: Consumer-in Consumer a ni tih a inhriat theih nan hmanrua chi hrang hrang hmangin Consumer Right Awareness Programe siam tur a ni.
Ka tawnhriat : Chawlhkar liam ta khan ka tawnhriat ka rawn tarlang a. Chutah chuan Generator lei thua buaina chinfel a nih tâk thu tarlan a ni a. Hetianga ka tih thin avang hian intihlar tum leh duh vangah min ngai lul suh u. Mite tana ka lo tangkai deuh deuh theih nana hetiang hi sawi ka ni tih min lo ngaihsak turin ka ngen che u, a ni. Miin a dikna leh a chanvo a hloh chuan a tan nun hian awmzia a nei dawn lova. Rilru na takin ni a vui liam thin dawn tihna a ni. Hetianga ka tawnhriatte ka sawi hian mi dangte a fuih ang a, an lo huaisen phah ve ang a, thil dik lo kan do nasat zual theih phah dawn a ni. Chumi rilru pu chuan ka han inpuang ta thin a nih hi! ka u!
Tin, heti hi ni a, chhim lam khawpui Lawngtlaiah saw’n mi pakhat rilru nei tak a awm a. A hming chu Lalpuiliana a ni. Ani hian mite tihdan dung thulin Online Shoping Centre pakhat kal tlangin pheikhawk(sneaker)a chah ve mauh mai a. A thil chah chu a lo nghah hlelh teh reng nen a lo thlen meuh chuan a thil chah aia lian chu an lo chah thlensak tlat mai a. A hrilh Hai thlâk ngawt ang le! SNEAKER PHEIKHAWK NUMBER 6 a chah laiin Number 8 an lo tihthlen sak a nih chu. Puia chuan he Shopping Centre hnenah chuan sawiselin thleng sak a ngen chiam a. Mahse, an lo rem ti lo bur mai a. Tichuan, Puia hi ka hnen a lo zualko a, a thin rim hle niin ka hria a. Kei pawh chuan ka theih tawpin hma ka lakpui nghal vat a. A tawi zawngin kan sawi tawh ang, Online Shopping Centre neitute chuan Puia duhdan ang chuan pheikhawk bun nuam tak chu an pe ta a ni. Consumer-te hnehna a ni e. Puia pawh hi ka lawmpui hle. Online service hi Direct Selling a ni a, a awlsam a, a man a tlawm bawk. Tunlai khawvel sumdawnna system nasa ber a ni chho mek a ni.
Chhiartu duh tak, i dikna leh i chanvo, chan pual hi ngainep reng reng suh. Tute mahin an chhuhsak thiang lo che a ni. I chanvo hi Consumer Protection Act hian humhimsak che a duh a ni. Chumi atan chuan kan inhawng reng e.
Centre For Consumer Education i tan leh kan tan.

Get real time updates directly on you device, subscribe now.

Leave A Reply

This website uses cookies to improve your experience. We'll assume you're ok with this, but you can opt-out if you wish. Accept Read More

Effektive myggemidler, Plante kalender for august 2025: En sommersmag Magnetiske storme: Hvordan man redder dine fødder fra at gnave: Sådan