Convocation-ah Colonial legacy thlak tur ti

Union Health Ministry chuan August 23, 2024 Zirtawp khan medical convocation neihnaah black robe leh lukhum hman thin chu ‘colonial legacy’ tia sawiin thlak a ngai a ti.
Health Ministry chuan thupek a chhuahah institution tin te chu dress code thlak turin a ti a. Institution tin te chu State a local tradition emaw behchhana hmangin convocation ceremony a dress code thlak danglam turin a ti. “Tuna kalpui dan hi colonial legacy a ni a, thlak danglam tur a ni” tiin Union Health Ministry communication chuan a tarlang a.
“Ministry chuan Institution hrang hrang Ministry hnuaia mi te AIIMS/INIs te pawh tel vekin an Institute a Convocation Ceremony ah dress code an awmna state local tradition behchhan emaw hmanga siam tura hriattir an ni” tiin a tarlang a.
Thupek chhuah chu ‘Hon’ble Prime Minister in Panh Pran (five resolution) a kalpui behchhan a ni’ tiin tarlan a ni bawk a.
Ministry chuan institution te chu hemi kaihhnawihah hian rawtna siam tura tiin chu chu Union Health Secretary pawmpui ngai a nia ti bawk. Prime Minister Narendra Modi chuan kum 2022 a Independence Day thuchah a sawinaah resoultion panga sawi langin chung zingah chuan developed India siam nan colonial mindset tin te nuaibo, Indian legacy chhawm nung, unity tihchak, rinawm taka khua leh tui tena duty tihhlawhtlin tihte pawh a tel a ni.