Counselling Centre pantu tam

Counselling Centre pantu tam
Mizoram Synod-in Family Guidance & Counselling Centre pakua a nei a, kumin bikah harsatna hrang hrang avangin pantu 5000 chuang a nei tawh.
Synod hian counselling centre 9 a nei mek atangin heng counselling centre-ah hian kumin October 8 thleng khan pantu (client) 78040 a nei tawh a, kumin bikah 5251 a nei tawh.
FG&CC hian pastor leh kohhran rawngbawltu pawimawhte pualin counselling training a buatsaih thin a. Pastor-te pualin kum 1992 atang khan buatsaih thin niin, training chhuak pastor 577 an awm tawh. Kumin November 14-25 chhung khan Pastoral Care & Counselling Training vawi 32-na an buatsaih chu khar a ni a, tun tumah hian pastor 16 an tel. Training kharnaah hian resource person atan Rev Lalsangbera leh Rev K Lalrinmawia’n final evaluation a tihpui. Synod executive secretary Rev VL Luaia Hranleh chuan thuchah a sawi a ni.