Country singer rualin Texas tuilian tuar chhawmdawlnan $8M an tuak ngah

Country singer rualin Texas tuilian tuar chhawmdawlnan $8M an tuak ngah
Country singer rual bakah actor leh infiammi te thawkho chuan Austin, Texas-ah Band Together Texas benefot concert an buatsaih a, he concert-ah hian country star lar tak te inlanin, he show hi Miranda Lambert leh Parker McCollum ten an headline a, Jason Aldean pawh inlanin, Texas-a tuilian tuarte chhawmdawl nan dollare maktaduai 8.5 an tuak ngah thei.
He show hi darkar thum aia rei mah neiin, Texas-a tuilian avanga nunna chan mi 137 te sunna hun pawh an hmang nghal a, hetihrual hian chhanchhuah hnathawktute chawimawina hun an tel bawk. Show hi Lambert leh McCollum ten George Strait hla hlui “True” hmangin an hawngin, Lambert hian ama hla “Bluebird’ leh ‘The House That Built Me’-in a chhunzawm bawk.
Georgia chhuak Jason Aldean hian he show an neih hma zanah show an neihna hmun Moody Center-ah hian ama pualin concert a nei zo chiah a, mahse, he benefit concert atan hian Texas-ah chambangin, a stage leh production crew zawng zawng pawh he show atan hian a thlawnin a hmantir nghal vek bawk a. Lambert chuan, “Nizanah hetah hian Jason hian show a nei tawh tih kan hriat theuh kha, mahse, a hmanrua leh thil dang zawng zawng kan hman zui turin min hnutchhiah a, amah pawh show a inlan turin a chambang zui a, chuvangin zanin hian honorary Texan i ni e, thianpa,” a ti. Jason Aldean hian “She’s Country” hla a perform bakah Lambert nen “Amarillo Sky” an sa dun bawk.
He benefit concert-ah hian country star lar tak tak Kelly Red Dirt singer Wade Bowen, Lyle Lovett, Lukas Nelson leh Pat Green, Jon Randall leh Jack Ingram, Randy Rogers, Brady Black leh Ryan Bingham te pawh an perform a, actor Matthew McConaughey, Dennis Quaid bakah Texas chhuak infiammi lar tak tak te pawh an inlan.