Court chhungah a dikna lantir tumin Ed Sheeran guitar perhin a zai
New York courtroom-ah chuan Ed Sheeran chuan a guitar lain, ‘Thinking Out Loud’ hla a sa ta vang vang a. Hei hi copyright chungchanga an khinnaa a dikna tihlan tuma zai a ni. Ed Sheeran hian a hla hit ‘Thinking Out Loud’-ah hian Marvin Gaye hla hlui ‘Let’s Get it On’ chu phalna nei lovin thil tam takah a entawn niin an puh a ni.
Manhattan federal court-ah hian Ed Sheeran chu a ukil, Ilene Farkas chuan ‘Thinking Out Loud’ hla a phuah dan a zawt a, Ed Sheeran chuan witness stand hnunga guitar a dah chu lain, hla phuah chu ama nih phung ve reng a nih thu sawiin, phonetics pawh ama version hmangin, hla rang tak takin a phuah a, nikhatah pakua phuah chang te pawh a nei niin a sawi a, a hma lawk weekend-ah pawh hla 10 a phuah niin a sawi bawk.
Chutah a zai ta a, mahse, a zai rei lo,court chhunga awm ten an hlimpui a ni. Sheeran chuan, “A riin ka zai a nia,” tiin court chhung tibengchheng si loin a zai a, a zai zawhah thu tlem sawi lehin a hla phuah thin te a sawi fiah leh a ni. Sheeran chuan ‘Thinking Out Loud’ hla hi Amy Wadge nena an phuah dun a nih thu sawiin, Amy hian a opening chord a phuah niin a sawi.
Ed Sheeran hi Marvin Gaye hla phuahpui Ed Townsend ro khawmtuin ‘Let’s Get It On’ hla leh ‘Thinling Out Loud’ hla hian inanna tam tak a nei a, phalna nei lovin an entawn a ni ti a a puhnaah hian a thuam thu sawi turin court-ah hian koh a ni a, Sheeran chuan he hla phuahnaah hian tu music mah an entawn loh thu sawi a ni.
Court chhungah a dikna lantir tumin Ed Sheeran guitar perhin a zai
Get real time updates directly on you device, subscribe now.