‘Super Mario Bros. Movie’-in $1B lalut tawh
Super Mario Bros. Movie chuan cinema hall ticket hralhna atangin dollar tluklehdingawn a lalut tling ta a, kumina film tlangzarh zingah dollar tluklehdingawn lalut thei awm chhun a la ni.
He animated film hi Nintendo game behchhana siam niin, tun weekend kalta khan North America-ah cinema hall ticket hralhna atangin dollar maktaduai 40 lalut lehin, heti hian ni 26 chhungin US-ah dollar maktaduai 490 a lalut tling tawh a, US pawna a lakluh zawng zawng pawh dollar maktaduai 532 a tling, a belhkhawmin dollar tluklehdingawn 1.2 a lalut tling der tawh a ni.
COVID-19 hripui len hnua cinema hall ticket hralhna atanga dollar tluklehdingawn lalut thei film pangana a ni a, “Spider-Man: No Way Home,” “Top Gun: Maverick,” “Jurassic World Dominion” leh “Avatar: The Way of Water” te hnung a zui ve ta a ni. He film hi kumina film tlangzarh tawh zingah US leh khawvel huap pawha sum lalut hnem ber a la ni a, video game behchhana film siam zinga sum lalut hnem ber a ni bawk.
Indian movie ‘Ponniyan Selvan: Part Two’-in dollar maktaduai 3.8 lalutin No.8 a ni. He film hi Mani Ratnam direct niin, South India lama Chola empire-a roreltu ropui ber pawla sawi Rajaraja I chanchin tarlanna a ni.
Box office top 10:
1) Super Mario Bros Movie- $40M
2) Evil Dead Rise- $12.2M
3) Are You There God? It’s Me Margaret- $6.8M
4) John Wick: Chapter 4- $5M
5) Return of the Jedi- $4.7M
6) Dungeons & Dragons- $4.1M
7) Air- $4M
8) Ponniyin Selvan: Part Two- $3.8M
9) Guy Ritchie’s Covenant- $3.61M
10) Sisu- $3.25M
‘Super Mario Bros. Movie’-in $1B lalut tawh
Get real time updates directly on you device, subscribe now.