Mizoram SSA Teachers Association (MSSTA) chuan an service chungchangah Nilaini khan chief minister Zoramthanga hmu in, tunhnaia High Court thuchhuak chu sawrkarin appeal loa SSA zirtirtute tan hamthatna ruahman nana hmang tangkai zawk turin an ngen.
MSSTA thuchhuah danin, chief minister hi hmu in lehkha an thehluh bakah an duhdante tawngka in an thlen a, an thil phut chu sawrkarin ngaihpawimawh sak turin an phut tih an sawi.
Chief minister hian SSA zirtirtute hmakhua chu a tha zawnga a lo ngaihtuah thin thu leh High Court thutlukna anga SSA zirtirtute dahngheh ve theihna tur scheme siam tura MSSTA-in a ngenna chu a lo ngaihtuah tur thu a sawi a. Court thuchhuak appeal tura file kal mek pawh a lo zirchian ve tur thu sawiin, CM pawmpuina lo chuan thutlukna siam a nih loh tur thu MSSTA hruaitute hi a lo hrilh a ni. MSSTA hruaitute hian CM hnena file a luh hunah thuchiang a hriat theih thuai dawn tih an sawi a ni.
CM nen an inkawmna ngaichangtu CM Office gate kawta an member pungkhawmte pawh MSSTA hruaituten CM an hmuh zawh hian an tin darh a ni.
Court thu khinglet lo turin ngen
Get real time updates directly on you device, subscribe now.
Next Post