COVID-19 kai Neymar

COVID-19 kai Neymar
Karliamta Ningani atanga insawisel tan Neymar Junior chu tunlaia darh leh tan mek COVID-19 ‘symptom’ a neih avangin team lak atangin a inlahrang a, a dinhmun enfiah a nih hnuah hri a kai tih nemngheh a ni.
Brazil rama an media-te’n a khelh mekna club Santos thuchhuah an tarlan danin, Brazil forward Neymar hi Inrinni khan hri a kai ngei tih medical test atangin tihchian a ni a, inenkawl turin team a chhuahsan lailawk rih.
Brazil Serie A lam hian an striker kum 33 mi chu engtia rei nge a chawlh dawn tih an tarlang lo a, hri hi kai lo pawh ni se Ningani league match-a Santos-in Fortaleza an luhkhungna match kha chu hremna avangin a khel thei chuang lo ang.
Santos-a Barcelona forward hlui hmalam hun hi tun dinhmunah a chiang lo ruai rih a, tun thla tawp June ni 30 hi a contract neih lai tawp hun tur a nih tawh laiin he thu buatsaih lai thleng hian inremna thar ziahpui a la ni lo a, tun season inelna hrang hrangah khan match 12 chiah Santos tan a khelh bawk si avang leh chuti zat game-a goal thum leh assist vawithum bawk chauh club tana thawh a nih avang hian an ruai chhunzawm dawn em a chiang lo ruai rih.