Sawrkar laipui chuan Covid 19 avanga hren rih tak thla 18 chhung dearness allowance arrear tlingkhawm chu sawrkar laipuia hnathawkte leh pensioner-te a pe lo tih March 13 khan ziakin Lok Sabha Budget Session-ah a hriattir.
Mizoram Lok Sabha member C Lalrosanga zawhna minister of state for Finance Pankaj Chaudhury chhan danin, sawrkar laipui hnathawkte dearness allowance leh sawrkar laipui pensioner-te dearness relief instalment thum – 1.1.2020, 1.7.2020 & 1.1.2021 ami tur chu sum lama nasa taka harsatna thlentu Covid 19 avanga sawrkar laipui phurrit chhawk zangkhai turin hrensak (freeze) a ni. 2020-a Covid hrilengin sum dinhmun chhiatna a thlen avangin 2020- 2021 hnu lam thlenga sawrkar laipuiin mipui hmakhaw ngaia sum senga hma a lakna avangin 2020- 2021 chho vela DA/DR pek hi tih chi ah ngaih a ni lo tiin, a chhang. Hrileng nghawng avang hian sawrkarin sum bawma lut aiin a hmanchhuah lam hi a la tam zawk thu a sawi a ni.
Covid 19-in sum dinhmun a nghawng tihziaawm nan dearness allowance leh dearness relief arrear pek loh atangin cheng vaibelchhe 34402.32 hum leh hman tangkai a ni tih MoS for Finance hian ziakin a chhang bawk.
Covid vangin central-in DA/DR hreng
Get real time updates directly on you device, subscribe now.
Prev Post