Critics Choice Awards-ah Oppenheimer a langsar

Award season an ti a, kum bul lamah hian award lian tham an sem deuh sup sup \hin a, kar liamta maiah Golden Globes-in bul an \an a, tunah chuan Critics Choice Awards pawh an sem leh ta. He award hi 2023-a film leh TV lama che \ha te pual chawimawina a ni a, Oppenheimer a langsar hle a, he film hi Oscar lamah pawh che \ha tura rinkai a ni.
Lemchanthiam award dawng zingah Oppenheimer a\angin Robert Downey Jr., Poor Things changtunu Emma Stone, Beef star Ali Wong leh Steven Yeun bakah Succession star Kieran Culkin leh Sarah Snook te pawh an tel.
Margot Robbie, America Ferrera leh Ryan Gosling te channa Barbie chu film nomination-ah a langsar ber a, nomination 18 a nei a, award pawh a dawng nual a, chung zingah chuan Best Comedy pawh a tel a, mahse, television, radio leh online critics te telna Critics Choice Association-ah Oppenheimer a tla na zawk a nih ngei ang, he film hian award pariat dawngin a dawng hnem ber a, chung zingah chuan award ngaihhlut Best Picture pawh a tel.
TV lamah The Morning Show-in nomination paruk neiin a langsar ber a, Succession-in nomination panga neiin a dawt a, Abbott Elementary leh Loki ten nomination pali ve ve an nei bawk.