Croc King’ tih awm reng a lo ni e!

Connecticut a cheng Doogie Lish Sandtiger chu a hming lemah “Croc King” an ti a, he hming hi a pu zo khawp mai, Croc chi hrang hrang la khawmin, bum 4000 dawn a la khawm tawh a, Guinness World Records-in khawvela Croc la khawm tam ber record saimtuah an puang a, 2026 Guinness Book of World Records-ah a thlalak a chuang ve dawn ta a ni. Croc King hian Croc 3,803 a la khawm tawh!
Kei nin Croc bun khat kan neih chuan kan duhtawk viau a nia, he rubber chapal hi kum upa lam chuan kan hmelhriat lutuk lo mai thei a, mahse, thalai deuh zawk chuan an hre lar khawp ang. Sandtiger chuan Croc hi kum 18 chhung a lakhawm tawh niin a sawi a, “Ka naupan laiin Guinness World Record bu ka en thin a, lan ve ka chak thin khawp mai a. Tichuan ka kum a lo tam ve deuh hnuah Croc lakhawma record siam ka tum ta a ni,” a ti a, tleirawl kum 16 mi a nih lai atangin Croc lak khawm a tuipui tan ta a ni.
A tirah chuan Crocs bun 366 neih a, kum khat chhunga nitin a chi dang bun ziah theih a tum a, tunah chuan kum 10 chhung nitin a chi dang bun chhuah ziah tur a nei daih tawh! Sandtiger chuan, “Mitinin tuipui zawng, mahni kawng kan nei theuh a, keipawhin he kawng hi ka thlang a ni ve mai. A chi hrang lakkhawm hi nuam ka ti a, ka sim theih ka ring lo,” a ti.