Cruz Beckham pawhin tlangval a hre tawh hle. Tun tuma a bialnu Jackie Apostel nena an awm dun phei chu an inngaina tih a hriat a, mipui hmai zah pawh an nei tawh lem lo a ni ber.
Thawhtanni khan Cruz, 19, leh a bialnu, Jackie, 29, te hi Miami-a an superyatch-ah hun thawl tak leh nuam tak an hmang a. An awm dun chhung zawngin an insi deuh chawt ni berin a lang a, an inngaina hle tih pawh a chiang. Phat rual lohin an inkara hmangaihna par an chen a ni deuh ber mai.
Cruz aia kum 10 vel bawra upa, Jackie hian an outing lai hian backless top a inbel a, hei hian a hnungzang an thuina ser pawh a tilang chiang hle. A hma pawhin a Instagram-ah an zaina ser hnuhma a lo pho lang tawh nghe nghe.
Hemi tum hian, Cruz leh Jackie te chauhin hun thawveng nuam tak an hmang lo. An bulah hian footballer hlui, David, 49, leh fashion mogul Victoria, 51, te pawh hmuh tur an awm.
Cruz te thiandun hi, kumin June atanga in date tan nia sawi an ni, thla hmasa pawh khan Jackie hian Paris fashion Week show-ah Victoria hi a lo tawiawm tawh bawk.
Cruz Beckham leh Jackie an thawveng!
Get real time updates directly on you device, subscribe now.