Centrally sponsored scheme hnuaia Mizoram sawrkara hna thawkte chuan an dinhmun zirchianga an rawtna anga sawrkarin an chunga hma a lak zuina turah engmah hmalakna awma an hriat loh avang leh, hnathawhna tur leh an hlawh tur a hun taka pekchhuah thin a nih loh avanga June 20 atang hian ni thum chhung badge dum belin lungawiloh lantir an tum.
All Mizoram CSS Employee Co-ordination Committee thuchhuak chuan CSS hnuaia thawkte zirchiangtu Study Group on CSS chuan kum hnih dawn a zirchian hnu ah recommendation siamin sawrkarah a thehlut tawh a. Kum 2021-a Study Group din ni tawh si, tun thlenga rawtna siamte tih hlawhtlin a la ni lo tih an sawi.
Kumin June 15 thlenga he rawtna tihlawhtling tura hma lak a nih loh chuan an kal zel dan tur rel nise, tiin thu an lo dah tawh a. Hemi ang hian deputy chief minister hnenah memorundum thehluh nise, ni thum chhung, June 20-22 hian lungawi loh lantirna’n department hrang hranga an hnathawhna hmun theuhah badge dum bel nise, an ti a. An thil phut hi sawrkarin a tih hlawhtlin sak ngei theihna’n hma lak zel tha an tih thu an sawi.
Sawrkar laipui atanga lokal CSS fund a hun takah state nodal agency-a pekchhuah thin a nih loh avangin a CSS employee-ten hun takah hmasawnna hnathawhna tur sum leh hlawh an la theilo thin tih sawiin, ‘Central guidelines angin thla tin ni 21 hma ngeiin a dawng tur nodal agency-ah pek chhuah kan phut bawk,’ a ti.
CSS employee-ten Badge dum bel dawn
Get real time updates directly on you device, subscribe now.
Next Post