All Mizoram CSS Employees Coordination Committee chuan an hnuaia department hrang hranga CSS Association office bearers-te nen thukhawmin sawrkarin CSS employee-te hamthatna tura ‘Study Group on CSS’ a din chungchang leh hemi thu kal zel an sawiho a, resolution an pass.
CSS employee-te hamthatna tura 2021 August 16-a sawrkarin Study Group a din tawh leh Study Group-in ‘recommendation’ a siam chu tun thlenga a hlawhtlinna an la hmu lo chu pawi an tih thu sawiin, 2023 June 15 hma ngeia sawrkarin he ‘recommendation’ hi a tih hlawhtlinsak loh chuan, kan kal zel dan tur an ngaihtuah dawn tih an sawi.
‘CSS employee-te hi Mizoram sawrkar hnuaiah kum tamtak chhung thawk tawh leh Mizoram hmun kilkhawr ber thlenga hmasawnna hna thawktu kan ni a. Tunah member 12000 vel awmin, kan telloin sawrkar department hi a kal thei tawh meuh lo a. Hetih mek lai hian kan service-ah erawh hamthatna engmah dawng ngai lo kan nih avangin sawrkar hian a rang thei ang berin ‘Regularization Scheme’ leh Study Group-in a recommend, hamthatna dang min siamsak ngei rawh se,’ an ti.
CSS thawktuten Study Group rawtna tih hlawhtlin an phut
Get real time updates directly on you device, subscribe now.
Prev Post