Cyclone Pahnih Tej leh Hamoon

Mizoram sorkar hnuaia District Deputy Commissioners te pawhin thuchhuah an lo siam tawh angin cyclones pahnih Tej leh Hamoon te chu Bay of Bengal velah an la insiam chhunzawm mek zel a. Heng cyclone pahnih inkawp te hi thil thleng zen zen lo niin kum 5 kal ta 2018 khan a lo thleng tawh a ni.
Cyclone Tej hi Yemen leh Oman vaukam lam hawi zawnga kal a ni. India Meteorological Depart-ment(IMD) bulletin sawi danin Bay of Bengal chung vela boruak leh khaw awmdan indelh rit lutukin thawhtanni tlai khan cyclone ‘Tej’ a siam a. Hemi hian cyclone pahnihna Iran rama ‘Hamoon’ an tih mai chu a siam ve leh ta a ni.
Heng cyclone pahnih te hi Bay of Bengal laihawl velah chambangin Sunday zan khan hmar chhak hawi zawngin an rawn tleh chho ta a. Tunah hian Odisha-a Paradip atanga 400 Km velah leh Digha, West Bengal chhim thlang 550 Km velah an la awm a ni.
He cyclone thlipui avang hian Mizoram hmun thenkhatah October 24 khan ruah tlem a sur a, hmun thenkhatah erawh tih tham deuh a sur a, Tripura hmun thenkhatah erawh chuan ruah tam tham deuh a sur thung a ni. Heng hmunah te vek hian October 25-ah ruah tam tham deuh a sur tura ngaih niin October 26 ah pawh ruah hi tlem azawng la sur chhunzawm thei niin IMD chuan a sawi a ni.
Hetih lai hian ruah phingphisiau atanga a aia tam zawk chu Odisha vaukam velah sur tur ni a ngaih a ni a, hetiang bawk hian West Bengal hmun thenkhatah ruah sur tura beisei niin hmun thenkhatah erawh ruah tam tham tak sur tura ngaih a ni.