CYMA hruaitu tharte inhlan

CYMA hruaitu tharte inhlan
Central YMA hruaitu kal chhuak tur leh thlan tharte chuan Thawhlehni khan mawhphurhna an inhlan.
Kum 2023- 2025 chhunga Central YMA hruaituten 2025- 2027 chhunga hruaitu turte kutah mawhphurhna an hlan a. President kalchhuak tur Lalhmachhuana’n R Lalngheta hnenah, assistant secretary Fabian Lalfakawma’n he hna chelh tur thar SF David Ngursangzual hnenah leh, treasurer Roneihthanga’n he hna chelh thar tur Er H Duhkima hnenah an hlan.
Vice president Prof. Lalnuntluanga, general secretary Prof Malsawmliana leh finance secretary MS Ralte te an post ngaia an tlin nawn avangin midang hnena mawhphurhna hlan chhawn tur an nei lo.
President kalchhuak Lalhmachhuana chuan hruaitu tharte duhsakna hlanin, YMA hmalakna hrang hrangah hruaitu tharte theihtawpa tawiawm a tum tih a sawi a. President thar R Lalngheta pawhin, Mizoram leh hnam tan theihtawp chhuaha lungrual taka thawk hoa ke pen tlang zel turin a thawhpuite a sawm a ni.