CYMA-in Chorei Kut hmanpui

CYMA-in Chorei Kut hmanpui
Young Chorei Association (YCA) buatsaihin Phaikhou, Damcherra Tripura-ah Inrinni khan an hnam Kut – Khambar Kut hman a ni a, Central YMA general secretary Prof. Malsawmliana hoin an hmanpui.
Khambar Kut hi kumtin January 9-11 chhungin YCA hian an hmang thin a. Kumina hmanpuitu Central YMA general secretary chuan, Zofaten Kut chi hrang hrang kan nei a, chu’ng zingah chuan pawimawh bik leh pawimawh lo bik a awm lo a. Mipuiin kan hlut bik leh mipui nawlpui huap lo Kut erawh a awm thung, tiin, heng Kut hi hnam inpumkhatna atan, nunphung leh tihdan hlui chhawmnun zelna atan, nihna (identity) humhalhna atan te an tangkai a, hman uar zel a ngai tih a sawi a ni.
Chorei tawng leh nunphung pawh a dal zel lohna turin theihtawp chhuah tur leh inchimralna laka inveng zel turin a chah a. Chorei mipuiin harsatna an tawh leh thildanga puih ngaihna a awm chuan Central YMA a inhawng reng tih a sawi a ni.