Manipur buaina avanga Mizorama sahimna zawnga tlan lut, belh leh pan tur hre lo te tana Central YMA-in innghah lailawkna a siam chu beltu mi za chuang an awm tawh a, heng atang hian Aizawl khawpui YMA branch ten an lo mikhual chhawng ve leh a ni.
Central YMA roreltu, Central Executive Committee (CEC) chuan sahimna zawnga Mizoram beltute, thlenna tur nei lote innghah lailawkna tur ‘transit camp’ hi Central YMA office, Tuikhuahtlangah June 3 atang khan a siam a. June 8 zan dar 7.00 thleng khan mi 131 lut tawhin, heta tang hian khawpuichhung YMA Branch thenkhat – Vaivakawn, Chanmari, Electric Veng, Tuikhuahtlang, Kulikawn, Hlimen, Tlangnuam leh Thuampui ten mikhual hi an lo thleng darh ve leh a. Transit camp atanga India ram hmun danga kal darh leh engemawzat an awm a, tunah hian transit camp-ah hian mi 24 an la awm a ni.
Central YMA CEC chuan Transit camp atanga raltlan mikhualtu YMA Branch-te hnenah Central YMA chuan tanpuina pek nise, a ti a. Raltlan mikhual theite hnenah lawmthu sawiin, branch dangte pawh an tlin ang tawk tawka raltlan mikhual thei zel turin a ngen. Central YMA chuan Manipur raltlan te nasa taka lo tuamhlawmtu YMA Silchar Branch chu tanpuina sumfai cheng nuai khat pek nise a ti bawk.
CEC thukhawm chuan
CYMA-in raltlante mikhual
Get real time updates directly on you device, subscribe now.