Damdawi

Damdawi
Natna thenkhat chu a na chhawkna tur keimahniin kan siam ve theih, side effect nei si lo a awm nual. In choka kha han dap vel teh, nachhawkna siam theihna tur tangkai tak tak in kawl teuh a nia.
Na i neih changa nachhawkna damdawi hmawm leh ngawt mai thin khan side effect a nei thei a, i taksa hriselna atan a pawi thei. Tun tumah hian Times of India health section-in nachhawkna atana siam theih kan chokaa kan kawl reng ni a an sawi te kan rawn tarlang e.
1. Hmeichhe thlatin hunbi neih laia na tâi bawr leh kawng bawr na ti thin an awm, chutiang tan chuan ser (lemon) pum 2-3 vel a tui sawrin, tui vawt nen chawhpawlh la, chu chu nitin in thin rawh. Hei hian thlatin hunbi neih laia na a chhawk thei.
2. I lu a na thin em? Apple a kawr vel a, chan sawm la, chi tlem al la, chu chu zing thawh hlimah kaw ruak laiin ei thin rawh. Hei hian luna benvawn (chronic headache) a chhawk thei.
3. Kawpuar i nei a, i pum a inham puar ul a, a hrehawm duh khawp mai. Chutiang hunah chuan tui no khatah baking soda thirfiante khat hmun li a thena hmun khat vel telh la, in rawh. Hei hian kawpuar a tiziaawm ve thei.
4. Hrawkna (sore throat) ah chuan basil hnah 2-3 vel chhum so bawrh bawrh la, chumi tui chuan i ngam tawka sain i hrawk thuah (gargle) rawh.
5. Mouth ulcer nei thin chuan an nei nawn deuh sek mai a, a na thin hle, hetiang nachhawkna atan hian balhla hmun leh khawizu chawhpawlh la, chu chu tidiak la, a na laiah hnawih la, a na a chhawk thei.
6. Sinus i buaipui em? Organic apple cider vinegar leh cayenne pepper powder hmeh khat (pinch) tui lum no chanveah chawhpawlh la, a lum laiin nikhatah vawi hnih in thin rawh.
7. BP sang i nei em? Sunhlu leh bawnghnute zingkarah eipawlh la, hei hian BP sang tur a veng ve thei.
8. Asthma nei tan khawizu fian khat (chaweina kan fian chhawp ang chi) leh thakthing fian chanve chawhpawlh la, zan mut dawnah ei rawh.
9. Luphut nei tan camphor leh coconut oil chawhpawlh a, zan mut dawnah lu chiah nan hman a, zingah suk fai leh mai tur a ni.
10. Lutuak tan sunhlu dah ro chansawmin, coconut oil nen chawhpawlhin chhuang lum la, sunhlu chu a ut sen deuh thap thlengin chhuang la, chu oil chu i lu vunah nitin i chulh dawn nia.