Damdawi hmansual theih zawrhna dawr tinah CCTV

Aizawl district huamchhunga ruih nana hman theih damdawi zuar tel, damdawi zuarte chu an dawrah closed- circuit television (CCTV) vuah vek tura tih an ni.
State Level NCORD (Narcotics Coordination Center) thuchhuak chuan, damdawi dawr, ruih nana hmansual theih damdawi – Schedule H leh Schedule X drugs zuar chinte chuan an dawrah CCTV vuah vek tur a ni, tiin thu a rel a. Dan ang taka heng damdawi hi zawrh leh hralh a nih theih nan Aizawl district magistrate Er. Lalhriatpuia chuan, BNSS Section 152-in thuneihna a pek angin Aizawl district huamchhunga heng damdawi zuar damdawi dawr zawng zawng chuan an dawrah CCTV vuah vek turin a ti.
He thupek zawm lo te chu BNS Section 223 hmangin an chungah hremna lek a ni dawn tih a sawi a ni.