Damdawi inah Gandhi-i dah lut

Damdawi inah Gandhi-i dah lut
Congress hruaitu hlun, Sonia Gandhi-i chu Thawhlehni zan tlai tawh takah khan Delhi-a Sir Ganga Ram Hospital-ah dah luh a ni tih damdawi inin a sawi.
Rajya Sabha MP hi damdawi inah enkawl mek a ni a, a dinhmun pawh enfiah mek a ni.
Gandhi-i hi January thla pawh khan thawk lama harsatna a neih avangin Sir Ganga Ram Hospital-ah dah a ni tawh a. Hospital Chairman Ajay Swaroop-a chuan hemi tum hian a taksa uluk taka an en fiahah thawhah benvawn a nei a, hei hi Delhi khawpui khaw vawt leh boruak bawlhhlawh inbelhbawmin a tihzual thu a lo sawi tawh.
A natna neih avang hian doctor-te chuan fimkhur thilah en fiah leh damdawia enkawlna dang neih belh turin damdawi inah hian dah luh tha an ti a ni.
“A thawk lamah harsatna a nei a, damdawia en fiah a nih hnuah a thawhah benvawn hi khaw vawt leh boruak bawlhhlawhin a tizual tih hmuhchhuah a ni a. Fimkhur nan enfiah leh enkawl belh turin admit a ni a. A dinhmun hi a tha viau rih a ni,” tiin Swaroop-a chuan thuchhuah siamin a lo sawi tawh.
Swaroop-a hian Congress hruaitu hlun hi antibiotics leh a puitu damdawi dang hmanga enkawl a nih thu a sawi tawh bawk.