Damin Atsu an pawtchhuak
Thawhtannia magni-tude 7.8 zeta na lir-nghingin Turkey leh Syria ram khawpui hrang hrang a nuai tuma a chenna in chimin a delh Ghana footballer Christian Atsu chu Thawhlehni khan dama chhanchhuah niin, hliam erawh a tuar tih a khelh mekna Hatayspor club vice president Mustafa Ozat chuan Radyo Gol a hrilh.
Nimin lama tarlan tawh angin, Chelsea player hlui Atsu hian Premier League club Newcastle United leh Everton tan loan-in a khel tawh a, nikum September thla khan Turkish cub Hatayspor zawmin, Pa-thiannia chakna goal a thun hnu darkar rei vak loah Turkey ram Hatay province-a a chenna in chu lirnghingin a sawi a, in chim karah tangin, a chin hriat a ni lo zet a, an chhanchhuak ta a ni.
Kum 2019 hnu lama Ghana ram tana la khel leh ta lo kum 31 mi Atsu hian official-in interna-tional football a la chawlhsan lo a, Ghana international angin a la sawi theih.
He lirnghing hian ram pahnihah mihring nunna 8,000 dawn la tawhin, in sang tam tak a tlusawp a; tun thlenga bo zingah hian Hatayspor sporting director Taner Savut pawh la telin, Mustafa Ozat chuan Savut chu thiin emaw damin emaw hmuh a la nih loh thu a tarlang tel.
Ozat hian BeIN Sports hnenah Thawh-tanni khan in chim kar atanga player leh official engemawzat chhan-chhuah an nih thu a lo sawi tawh bawk.