Aizawla in sakna bungrua zuartu zingah dan loa hnamdang thurualpuitute dawr, Central YMA-in huntiam a pek chhunga inchingfel lo te chu an dawr khar tura tih an nih bakah khar sak tan an ni a, dawr 60 chuang khar a ni.Central YMA hian Aizawl khawpui chhunga cement, iron rod, balu, brick adt. zuar zingah dan dik ni loa hnamdang nena intawm leh an (Mizo) hming hawhtir a, hnamdang dawr hawnte chu kokhawmin, inchingfel tur leh dan anga kalpui turin ni 30 chhung hun a pe a, hetiang dawr an hriat theih chin hi 91 a ni. Huntiam a ral hnu ah pawh ni 10 vel liam lehin, May 20 khan heng dawr chhinchhiah sa hi Central YMA hian team 5-a insiamin an tlawhkual a ni.
An ngenna anga inchingfel lo nia hriat te hi heng dawr awmna YMA branch nen Inrinni khan endikin, list an neih 91 atang hian lo inkhar hrim hrim tawh te, Mizo kuta hlanchhawn te, enfiah laia lo inhawng lo hrim hrimte an awm a. Endik zinga la inchingfel lo nia hriat 64 chu an dawr kharsak nghal a ni.
Thla khat chhunga lo inchingfel tura an ngenna ngaipawimawha an dawr khar tawhte, hnamdang nena inkawp titawp engemawzat an awm chu lawmawm an tih thu Central YMA president R Lalngheta chuan a sawi a. Tuna dawr an khar sakte chungchanga hmalak zel dan tur chu Committee rel tur a ni tih a sawi. “Hnamdang kuta sumdawnna sum leh pai luanglut nasa lutuk hi hnam tan a him loa, Mizorama sumdawnna hi a ram leilung fate ngeiin kan kalpui theihna’n Mizo mipui kan tanrual a tul a ni,” a ti. Iron rod leh cement hmanga sumdawnna pawh hi Mizote kutah ngei a hlawkna tam ber a luanluh chu an duh ber a ni tih a sawi a ni.
Dan loa hnamdang thurualpuitu dawr 60 chuang CYMA-in kharsak
Get real time updates directly on you device, subscribe now.
Prev Post