Mizoram Dance Sports & Movement Championship hmasa ber chu vawiin June ni 27 hian Dawrpui Multipurpose Hall-ah tan a ni dawn ta. Mizo Dance Camp leh Mizoram State Sports Council buatsaih niin, Mizoram Rural Bank chu main sponsor an ni a, vawiin hian Jump Rope leh Aerobics prelims neih a ni ang.
He event hnuaia intihsiakna thenkhat chu online hmanga tan a lo ni tawh a, a main event hi ni 4 chhung awh tur niin, June ni 30 (Zirtawpni) zan hian Grand Finale neih a ni ang. A hmunah a duh apiang tan en theih a ni a, TV leh Youtube lamah Live a pek chhuah a ni bawk ang.
Aerobics hnuaiah hian Group leh Solo a intihsiak tur ani a, Group a tel tur hriat tawh zingah hian HBC Cheerleaders leh GAC Cheerleaders te an tel a, intihsiakna a sang chho hle tura ngaih a ni. A hmunah pawh la inziah luh theih a ni a. Fitness aerobics, gymnastic aerobics leh acrobatic movements te pawh a leng vek a ni.
Aerobics endik tur hian Mizo zinga fitness leh aerobics instructor rual, mahni puala studio nei ?hah an ?hu dawn a. Chungte chu Nutei Pautu (Fit In Dance Studio), Misty Hruaii (Lay Up Fitness Studio) leh Esther Chhakchhuak (Fifi Fitness Studio) te an ni.
Jump Rope ah pawh hian a tel tur inziak lut tawh te hi tunlai Mizo thalai zinga a thiam tak tak te an ni hlawm a. Freestyle niin, mipa leh hmeichhia a hrana intihsiak tur a ni ang. Endik tur hian Samuel Liansanga a thu dawn a, ani hi Badass brand neitu, a jump rope skills avanga India ram chhung leh pawn thlenga hriat hlawh a ni.
Vawiin hian Final a lut turte thlan chhuah an ni dawn a. Naktuk Nilaini chawhma dar 11 hian Hei Raw Dance Competition Semi Finals neih a ni ve thung ang a, June ni 29, Ningani hian Showdown Dance Battle neih a ni bawk ang. Heng event hrang hranga Final Round te leh MDC Team leh Judge te showcase chu Zirtawpni zan 7:00-ah neih a ni ang.
Dance Sports leh Movement Inelna lian vawiinah tan dawn
Get real time updates directly on you device, subscribe now.
Prev Post