Darkar khata push-up tihnem thei record siam

Darkar khata push-up tihnem thei record siam
Australian Lucas Helmke, kum 33, chuan darkar khatah push-up vawi 3,206 tihmanin Guinness World Record a siam. A hmaa hetiang record siamtu chu Australian tho, Daniel Scali niin, ani hian darkar khatah push-up vawi 3,182 a ti thei ve thung.
Lucas hian a fapa kum khat mi cho phur nan, tih theih loh tak tak a awm lo tih entir nan record hi a siam niin Guinness World Records chuan an tarlang a, record hi powerlifting gym, Iron Underground, Brisbane-ah a siam a ni.
Lucas hian ruahmanna mumal tak neiin record hi a siam a, second 30 set zelin a ti a, second 30 chhungin push up vawi 26 tih hman zel a tum a, a tawpah chuan chawhrualin second 30 chhunga push up vawi 26.7 vel zel tihman ang a ni ta a ni.
Lucas chuan record tum khat a siam ta a, tawpsan mai a tum lo, “Hei hi ka record hmasa ber a ni a, push up record dang pawh siam belh nual ka tum ang a, physical record dang pawh siam ka tum ang,” a ti.