David Rush-a’n record a siam leh ta

daho khawchhuak David Rush chuan Guinness World Record a siam leh ta a, tihian tunah a record title kawl zawng zawng chu 174 a tling ta. Rush hian tum khata Guinness World Record title kawl hnem ber record siam tumin a bei mek a, hetiang record dinglai chu 180 niin, Rush hian record khum turin tum khatah record title 181 tal a kawl a ngai a, tuna a record title kawl lai hi midangin an rawn khum a nih loh chuan record dang pasarih a siam leh chuan tum khata Guinness World Record title kawl hnem ber record a siam thei tawh dawn a ni.
Tun tuma Rush-a record siam chu kut chauh hmanga second 30 chhunga tui thal hnem ber record a ni. He record hi thil harsa tak tih ngai pawh a ni lem lova, mahse, Rush hian record a siam thei tlat lo a, kum nga chhung he record hi siam tuma a beih hnuah a puitlin thei ta chauh a ni.
Rush hian dawhkanah bucket-ah tui dahin, bucket-a tui chu jug-ah a kut chauh hmangin a thal chhuak leh ta a ni. Record siam tura Guinness guidelines-ah chuan dawhkanah ngei tih tur a ni a, bucket leh jug hi meter 1 aia inhnaiha dah loh tur a ni.
A hmaa hetiang record chu second 30 chhunga tui ml 3,300 bucket atanga jug-a chhung lut hman a ni a, Rush hian second 30 chhungin ml 3,323 chhung lut hmanin record a siam ta a ni.