Dawt sawiah minister puh

Dawt sawiah minister puh
Sum hmanga mipui kokhawm thin nia MNF minister Dr R Lalthangliana’n a puhna chu dawt a ni tih ZPM Thalai chuan an sawi.
ZPM Thalai Hqrs. thuchhuak chuan MNF adviser Dr R Lalthangliana hian a bial a fannaah ZPM chu sum hmanga inkokhawm angin a sawi a ni tiin, politics a nih tak avanga kohhran upa meuh pawhin dawt pawisa loa mahni elpui party-te dawt hmanga a bei chu kalphung hlui zia dik takah an ngai tih a sawi.
MNF MLA zinga lehkhathiam leh puitling ber pawla mipuiin an ngaih pawhin dawt a pawisa lo a nih chuan, MNF party chu mipui tan a beidawnthlak hle-ah an ngai, tia sawiin, ‘Dawt tel lo leh thianghlim takin politics-ah hian a inhman theih a ni tih hi kan dinna a ni. Politics a nih tâk avanga kohhran upa leh rawngbawltute meuhin dawt pawh leng veka an ngaihna ramhlui zia hi thangtharte hian an ning tawh a, chutiang chu kalsanin thianghlim taka politics-a inhmang turin Mizo thalaiten politician-te kan beisei a ni tih hrereng a, politics-a inhmang turin politician-te kan chah a ni, ZPM Thalai thuchhuak chuan a ti.