DC&MA minister ban turin CM ngen

A thusawi avanga sawrkar leh Assembly House timualphoa an ngaih District Council & Minority Affairs minister chu ban turin BJP chuan chief minister an ngen.
BJP Mizoram Pradesh hian Thawhtanni khan chief minister Zoramthanga hnenah ziaka thlenin, a cabinet minister Pu R Lalzirlian’n mipui tana rorelna sang – Assembly House-a Autonomous District Council area-ah dawh thu hmanga vote zawng thin an ni tih thu a sawi chu, sawrkar leh House a timualpho hle ah an ngai tih a sawi a. ‘Mipui hmuhsitna nasa tak a nih avangin District Council & Minority Affairs etc. department enkawl zel tlakah kan ngai lo a. I cabinet minister atanga bantir nghal turin kan ngen che a ni,’ a ti.
BJP Mizoram hian resolution siam bawkin, DC&MA minister Pu R Lalzirliana chu District Council chhunga mipuiin duh taka an aiawh tura an thlantlin, executive member leh mipui a hmusit hle tih sawiin, ‘Mizoram rorelna in sang berah ADC area-ah dawt thu hmanga vote zawng thin an ni tih a sawi a. Pu R Lalzirliana hian a department chante a hrechiang lo hle a. Pu Zoramthanga sawrkara DC&MA etc minister nihna chelhtu hi Mizoram mipui enkawl turin ni khat pawh minister ni tlak a ni tawh loa, chief minister-in a chawlhtir nghal kan phut a ni,’ an ti.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More