Cancer hospital dinna tur loan pukna inremna ziak

JICA (Japan International Cooperation Agency) tanpuinaa cheng vaibelchhe 700 senga din tur Mizoram State Super-Speciality Cancer and Research Centre atana loan agreement chu Thawhtanni khan New Delhi-ah India sawrkar leh Japan sawrkar ten an ziakfel.
Loan pukna tur inremna hi India sawrkar aiawhin Ministry of Finance Department of Economic Affairs additional secretary Rajat Kumar Mishra chuan a hming a ziah hnan a, Japan sawrkar aiawhin JICA chief representative Saito Mitsunori in hming a ziah hnan. Inremna ziahnaah hian Japanese Ambassador to India Suzuki Hiroshi pawh tel a. Mizoram sawrkar aiawhin Mizoram State Cancer Institute director, JICA project coordinator Dr Jeremy L Pautu leh Health Department OSD Dr Hmingthankimi Ralte an tel a ni.
Loan agreement chungchang hi sawiin Health minister Dr R Lalthangliana chuan JICA project buaipui hi thil khirhkhan leh hautak tak a ni a. Health, Home, External Affairs, DoNER leh Finance ministry bakah NITI Aayog te a paltlang a. Ministry leh department hrang hrangte a zawhkual hnua hlawhtlinna kan han hmu thei hi a lawmawmin Mizoram tan thil chhinchhiahtlak a ni, a ti.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More