Bollywood star Deepika Padukone chuan nimin zing khan Oscar-a inlan turin Los Angeles a pan ta a, kumin Oscar-ah hian award hlantu (presenter) a ni dawn a, Oscar red carpet-ah a vawi khat nan a inlan dawn bakah presenter a vawi khat nihna tur a ni bawk.
Kumin chu Oscar-ah Indian hmel hmuh tur a awm ve nual dawn a, Deepika Padukone bakah Telegu film ‘RRR’ changtu te pawh an inlan dawn a, ‘RRR’ film hla ‘Naatu Naatu’ chu award show-ah an perform dawn bawk a ni. ei bakah hian producer Guneet Monga leh director Shaunak Sen te documentary ‘The Elephant Whisperers’ leh ‘All That Breathes’ te cu Best Documentary Short leh Best Documentary award-ah te nominate an ni bawk.
Oscar hi Dolby Theater, Hollywood, California-ah an rama Pathianni zan, keini tana Thawhtanni zingah an sem tawh dawn a, keini tan chuan award show hi zing dar 6:30 atangin a en theih ang.
Deepika-i’n Oscar-a inlan turin LA a pan ta
Get real time updates directly on you device, subscribe now.