DEEPSEEK

Khawvel nghawr nghingtu Artificial Intelligence model chhuak thar ber

Er. Chhungpuia Rethlei
Senior Technical Officer
NIELIT Aizawl

-- Advertisement --

DeepSeek chu enge ni?
Deepseek chu tunlai thiamna sang tak hmanga kan hriat duh hnehsawh leh rang taka internet khawvel zau taka zawng hmu thei Large Language Models (LLMs) Advanced Artificial Intelligence (AI) chi khat, Chinese researchers/ companies kutchhuak a ni. Deep learning techniques hmanga open source nena siam a ni. Chinese funding company High-Flyer hnuaiah independent AI research lab in a awm mek. |awng hriat theihna(natural language processing), Milem atanga thil zirchianna (image recognition,) leh hna khirh leh harsa zawk thawk thei turin AI model thar a ni ber e.
Kum 2022 a OpenAI’s ChatGPT an release khan Chinese tech firms te chuan AI chatbots el tur leh AI lama US lehpelh ngei tuma tan la nghalin, July 2023 khan Zhejiang University atanga zirchhuak Chinese mi Liang Wenfeng-a chuan Deepseek hi a rawn siam ta a ni.Version hrang hrang: DeepSeek Code (2 Nov 2023), DeepSeek LLM (29 Nov 2023), DeepSeek-MoE (9 Jan 2024), DeepSeek-Math (Apr 2024), DeepSeek V2 (May 2024), DeepSeek V3(Dec 2024) an release tawh. 2025 January 20 khan version thar ber DeepSeek R1 an release leh bawk. Apple Store ah download hlawh ber a ni.
A rawn lar tak hluai chhan ber pakhat chu AI model dang ten an neih ve loh zawhna chipchiar leh kimchang zawk chhan theihna cutting-edge deep learning techniques a hman vang te, man tlawm tak leh hman awlsam tak anih vang a ni ber. China President Xi Jinping chuan thawmhnaw, furnitures leh advanced tech – chips, electric vehicles thlenga an hman tangkai tur thu apuang. Advanced chips tlem te hmanga siam, man tlawm leh hman awlsam tak si anih avangin Chips siamtu lian American multinational technology company Nvidia stock market $600bn (£482bn) laiin a tlakhniam tir.US history a nikhata hloh hnem ber record a ni.
Feature langsar zual te:
Thil a zawn hian a mil chiah (match keyword) bakah a kaihhnawih AI model pangngai ten an zawn phak loh nen a hmu vek thei. Entirnan: Hlawk zawka thlai chin dan zawt ta ila, AI model tam zawk ten kan zawhna thu mil awmna chauh an rawn sawi aia chipchiarin thlai chin dan reports, technical breakdowns bakah social media hrang hranga thlai chin dan hlawk zawk an post leh sawihona ang chi thlengin a zawng chhuak thei. Thu chauh bakah milem leh video hmangin zawhna a chhang thei bawk.Sources hrang hrang structured databases, unstructured documents, news feeds, social media atangin data a lakhawm theih bakah AI model dang ten a thlen phak loh deep web thlengin a zawng chhuak thei. Rang takin a phuahkhawm a, information chipchiar tak a pe thei. Economic data chhui ta se Google/ AI model ten surface web huamchhung a mi bak an zawn theiloh laiin Deep web thlengin government databases, mithiam lehkhaziak, sumdawnna chetvel dan leh social media atangin data a zawng hmu thei.
Venhimna khauh tak hmangin data a zirchiang thei. Data himlo rang takin a hre thei. Hei hi internet khawvela thil pawimawh ber pakhat a ni. Pawisa kaihnawih ah data lakkhawm leh za him leh him loh zirchian nan a tangkai hle. Data himlo a awm chuan information rang takin a thawn thei a, venhim dan a hrilh thei nghal bawk. Data maktaduai tel atangin rang tak leh dik tak siin duh zawng a lachhuak thei. Tihdan phung tha zawk leh rang zawk hmangin chipchiar takin a zirchiang thei. Hei hian hun kal mek hma lam hun dik taka thil hriat theihna a neih phah. Internet kaihnawih pawikhawihna lo thleng thei ang chi ah log files, news articles, and online reports thahnem tak rang takin a chhui thei a, Cyber-attack a awm chuan rei lo te chhungin hmu nghal a, cybersecurity teams ten invenna hun an neih theih phah.
Industries /Sectors (cybersecurity, finance, healthcare, or government) atan a siamrem theih. Regional news, official statements leh social media a mipui rilru put hmang hrechiang turin government agency ten an hmang thei. Hei hian sumdawnna tlakchhiat lakah leh ram buaina tur thleng thei a hrilhlawk thei. Khawvel hnam hrang hrang tawng leh nunphung a hrethiam a, hei hi deepseek danglamna lian tak a ni. A bik takin data lian tham zirchianna ah English tawng chauh nilo, tawng hrang hrang a hriatthiam avangin zirchian duh kaihhnawih zawng zawng te lakhawmin a phuahkhawm thei. Ram hrang hrang hriselna chung chang zirchian nan english bakah Chinese, Spanish leh Arabic tawnga siam report pawimawh te a lakhawm vek a, uluk taka a zirchian hnuah report kimchang tak a siam thei. `
Ramdang ten kan hmang ve thei em?
An siam chhan leh focus ber chu China nimahse, Khawvel huap Data protection laws leh cybersecurity regulations fel tak a awm sa a, hemi mila siam tho a nih avangin AI dang te ang bawkin a duh apiang tan hman theih a ni. Enchhinna (Pilot project) uluk tak neih a ngai thung.Vendor Certification a awm a, hetah hian independent audits, or security accreditations tarlan a ni. International security standards nen a inmil a nih chuan a him.
A him chiah em?
Venhimna tha tak tel lo chuan Data Privacy & Security-ah harsatna a awm thei. A thalo zawnga hmang duh tan Mimal leh sorkar company rukchhuah theih a ni. . China tan buaina awmlo mahse, ramdang tan erawh foreign technology hman hi risk a sang hle. Data protection standards rintlak tak leh Vendor rinawm tak neih erawh chuan harsatna a awm lo tura ngaih a ni.
Engvangin nge USA in bengkhawn em em?
China-in hetiang AI model thil tithei tak a siamchhuak hi social media leh TV news channelah viral nasa hle. Mithiam thenkhat phei chuan Deepseek hi US leh a thurualpui ram hrang hrang te tan a hlauhawm chho hle thei turah an ngai. US pawhin a enliam mai mai thei biklo niin alang. AI models dang te aiin chak zawk leh him zawkin data tam tham tak economic reports leh cybersecurity data thlengin ching let thei a. Hei hian market trends, security threats leh technology lamah China hi rang takin thutlukna a siamtir thei dawn. Hetiang hi US in a siamchhuak vat theilo anih chuan US el phak lohvin China hian nasa takin hma a sawn phah ang.
Cyber security lamah Digital network ah thil kalphung leh dinhmun hlauhawma a awm leh awm loh rang takin a hmuchhuak thei. Network logs, social media chatter leh global threat reports maktaduai lakhawmin rang takin a zirchiang thei a. Chinese cybersecurity agencies rang taka thu thawnin thil thleng tur dawnsawn dan leh invendan a ruahman sak thei bawk. China network system him taka a ven theih laiin ram dang network him lohna lai a chhui zung zung thei dawn US leh a thurualpui ram te aiin invenna a nei tha hle dawn a, US inbuaina lian tak a tawh laiin China erawh a inveng hman zel dawn tihna a ni.
Economic & Strategic Planning lamah deepseek hian AI model dang ten an tih theih loh ram hrang hrang data volume tam tham tak rang takin a lakhawmin duh tawkin a zirchiang thei. Hmalam huna economic leh politics inlumlet tur rang takin China sorkar a hrilhlawk thei dawn. Ramdang hriat phak loh a hriat theih dawn avangin china hian khawvel hi a la thunun thuai an ring. Thil tithei fal lutuka China a awm chuan khawvel digital leh economics balance a tichhe thei dawn bawk.
A thatna:
OpenAI’s GPT models aiin hman a awlsam a, senso a tlem bawk. AI industry (OpenAI, Google,Alibaba e.t.c) tan competition tha tak a ni. Alibaba chuan Qwen 2.5-Max an tlangzarh nghal der mai. U.S. leh Western countries AI chauhva innghat lova, khawvel ramdang te pawhin an siam thei tih a pholang. US siam AI chips manto tak taka lei ngailova, senso tlem zawk. China, Japan leh Korea te chuan anmahni tawng ngeiin AI an hmang thei a, ChatGPT leh Google Gemini aiin a duh zawk.
A that lohna:
Phalna neilova Open AI model awmsa entawna Deepseek Model hi training pek ani tiin an puh. User data leh document pawimawh a lakhawm teuh thei si a, ram thenkhat te chuan hengte hi China sorkar a ruka a pek zel an hlau. Texas sorkar chuan a ban nghal hmiah. Chips man tlawm takin an siam theih vanga Stock marketa a rawn sang thut hian US ram AI company(Nvidia leh OpenAI partners) chips siam man to tak taka an hralh thin kha a vaw chhe dawn. Global tech stocks ah $1 trillion lai an hloh der tawh. Heibakah Deepseek hian khawthlang ram leh khawchhak inkarah inelna nasa zawk a rawn thlen nghal a.US President Donald Trump-a chuan AI lama China lehpel turin US company te fuih nghal. US leh China ralthuam leh politics inlaichinna pawh a nghawng thui thei hle tura ngaih a ni.
India sorkar lam ve thung:
India ramah pawh boruak a nei lian nghal hle. innovative technology lama tui tak India’s IT Minister, Ashwini Vaishnaw-a chuan AI Models mantlawm tak hi India IA invesment atan hman tangkai a tum hle. kum 2025 chhung ngeia India in generative AI model siam a tum thu a sawi bawk. Data Privacy leh Sovereignty Issues ah he foreign-developed AI models hian India mipui leh sorkar data a rukchhuah loh nan venhimna tha tak nen India pawh a inbuatsaih mek bawk. China hi an fing khawp a, an ram hmingchhiatna leh him lohna tur ang chi anih chuan DeepSeek’s AI model hian engmah a sawi duh lo. India leh China ramri issues te, 1962 Indo-Sino War ang chi te hi han zawt ta se, “Sorry, that’s beyond my current scope. Let’s talk about something else.” a ti daih zel tiin reporter te chuan an sawi bawk.
Eng pawh nise, Artificial Intelligence khawvelah kan cheng mek a, khawchhak leh khawthlang ram inelna a sang hle. Deepseek hian AI model man tlawm leh hman awlsam siamna kawngah Digital Company te chak zawkin hma alak tir ngei dawn. Kumin ah pawh AI model changkang, man tlawm zawk a rawn chhuak ngei ang. Keini mizo mipui leh sorkar ten kan hlawkpui thiam phawt chuan zirna, sumdawnna leh ram inrelbawlnah a tangkai hle ang.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More