Delhi-a BJP star campaigner tur zingah PM

Delhi assembly inthlan lo awm turah BJP chuan Nilaini khan an star campaigner turte an puang a, an party hruaitu lawk tak tak an tel.
Prime Minister Narendra Modi, party chief JP Nadda, Union Defence Minister Rajnath Singh, Union Home Minister Amit Shah te pawh an tel a ni.
Anni bakah hian union minister zingah Piyush Goyal, Shivraj Singh Chouhan, Nitin Gadkari, Manoharlal Khattar, Dharmendra Pradhan, Sardar Hardeep Singh Puri, leh Giriraj Singh te an tel bawk.
BJP rorelna state-a chief minister – Yogi Adityanath, Devendra Fadnavis, Himanta Biswa Sarma, Mohan Yadav, Pushkar Singh Dhami, Bhajan Lal Sharma leh Nayab Singh Saini te an tel bawk.
Delhi inthlan tur hi kil thum atanga chuh a ni dawn a, BJP bakah Congress leh rorel lai, Aam Aadmi Party (AAP) an ni dawn.
AAP national convenor, chief minister hlui ni bawk, Arvind Kejriwal-a pawhin chuh turin hming a pe a. BJP candidate Parvesh Verma leh Congress candidate Sandeep Dikshit nen an inkhing dawn a. Hming a pek hnua ram khawpui berah hian hna tam tak thawh tur an la nei tih a sawi.
Delhi hi February 5-ah an inthlang dawn a, February 8-ah vote tlate chhiar a ni ang.
AAP hian bial 70-a chuh tur hming an puang vek tawh a. BJP erawh chuan bial 59-a an dintir turte hming chauh an la puang thung.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More