Aam Aadmi Party’s (AAP) Shelly Oberoi chuan National Capital’s Mayor nihna chu Bharatiya Janata Party (BJP) tena Delhi Mayor leh Deputy Mayor elections neih tura an inhnuhdawh avangin a chelh chhunzawm ang.
Hei vang han Oberoi chuan chuhtu awm lovin chakna a chang a, BJP te chuan Municipal Corporation of Delhi’s House meeting neih tirh phatah an inhnuhdawh thu hi an sawi nghal a ni.
Presiding officer Mukesh Goel chuan AAP canddiate Shelly Oberei chu Capital mayor thar atan a puang zui ta a ni.
AAP hotu tho Mohammed Iqbal chuan Deputy Mayor nihna a chelh zui bawk ang a, chuhtu awm lova tlinga puan a ni ve tho a ni.
Chuhtu awm lova thlan tlin an nih hnuah Delhi Mayor Shelly Oberei chuan May 2 thlengin House chu chawlh a nih tur thu sawiin nimina House meeting a pharh te chu House meeting leh huna ngaihtuah tura dah a ni.
Delh BJP te chuan candidate an neih tak loh sawifiahin AAP te chuan MCD’s standing committee din an remti lo va, hei vang hian civic body hnathawh a tibuai an ti a.
Oberei leh Aaley te hi February 22 a mayoral poll neihah thlan an ni tawh a, chumi hnuah tum thum lai AAP leh BJP councillors te inbakkaihna avangin thil chinfel theihlohin a awm zui a ni. Oberoi hian vote 34 hmu in Aaley chuan vote 31 a hmu thung.
Buai niai nuai a awm avangin khatih laia presiding officer leh BJP coucillor Satya Sharma chuan Lieutenant-Governor ruat alderman 10 te chu mayoral poll ah vote an thlak a remti a. He thutlukna hi Delhi Municipal Corporation Act kalh niin a hnuah Supreme Court-in a hnawlsak zui bawk.
Financial year tawp apiangin MCD hian Mayor leh Deputy Mayor a thlang ziah a. Mayor’s office hi a kum khatnaah hmeichiate tana dah niin a kum thumnaah scheduled caste candidate-te tana dah a ni bawk.
Delhi AAP mayor te chuhtu awm lovin tling
Get real time updates directly on you device, subscribe now.
Next Post