Delhi airport runway palina hawng

Union Civil Aviation Minister Jyotiraditya Scindia chuan Zirtawpni khan Indira Gandhi International Airport, New Delhi-a thlawhna humna runway palina leh, thlawhtheihna tlankawng indawh kang (Elevated Eastern Cross Taxiways) a hawng.
He airport-ah hian runways pali – RW 09/27, RW 11R/29L, RW 10/28 leh RW 11L/29R te a awm ta a ni.
Runway palina hawn thar a nih tak avang hian Delhi airport hian kum khat chhungin passenger maktaduai 109 vel a dawl zo thei tawh tura beisei a ni a; tun dinhmunah Delhi airport hian passenger maktaduai 70 vel a dawl zo a ni.
Indira Gandhi International Airport hi Delhi International Airport hnuaia awm niin chu chu GMR Airports Infrastucture Ltd.-in a enkawl ve leh chhawng a ni.
Eastern Cross Taxiways (ECT) hi 2.1 kilometres-a thui niin thlawhtheihna lian chi A-380 and B-777 and B-747 te pawhin an hmang thei dawn a, lane hniha zau niin hum khatah a rualin thlawhtheihna pahnihin an zawh thei dawn a ni. ECT hian thlawhtheihna hum hnua terminal panna leh thlawh chhuah dawna runway pana tlan hun chhung rei zawng pawh, a hmaa minute 20 vel ni hhin kha, minute 10 vel chauh a ni tawh dawn a, fuel sen ral pawh a hma aiin 350Kg velin a tlem phah sauh dawn a ni.