Israel doctor ten naupang lu vuah tha

Thil mak leh thlarau lam hnathawh hiala an sawi, thil la thleng ngai lo chu Israel doctor ten thlentir in naupang kum 12 chauha upa chu bicycle a khalhnaah chesualin a lu ah hliam a tuar a, he naupang hi a lu thlawnin doctor te chuan zai hautak em em mai a neih hnuin naupang lu chu a pangngai ang thlapin a nghawngah an vuah leh ta, tiin The Times of Israel chuan a sawi.
He naupang Suleiman Hassan hian accident tawkin a rang thei ang berin thlawhna hmanga Hadassah Medical center pan pui nghal a ni a, a hnungzang ruh chung tawp ber ah hliam na tak tawkin a lu hi doctor ten a tan sak ta a ni. Mi zai thiam Dr. Ohad Einav chuan The Times of Israel hrilh in, a hliam lai bawr vela hmanraw tul leh pawimawh dah tur hian darkar rei fe hun a duh thu a sawi a. Dr. chuan, “Naupang nunna chhan tura kan beihna ah zaina room-a kan hmanrua te leh kan hriatna, thiamna te chunga lawmthu kan sawi takzet a ni” tiin a sawi.
Dr. Ohad Einav chuan naupang lo harh chhuah leh theihna hi thil mak danglam thlarau hnathawh ni a a rin thu leh naupang hian zaa 50 (50%) chiah dam khawchhuah theihna chance a neih thu a sawi bawk a ni.
He naupang chunga thil thleng hi thla hmasa June thla lama thil thleng tawh niin Doctor te chuan July thla thar a nih hma chuan an zep ru tlat a ni. Naupang Suleiman Hassan hi hmanrua hmanga enkawlna tha tak nena damdawiin atanga chhuah tir a ni a, hospital thuneitu te chuan a dinhmun lo that chhoh zel nan uluk taka enkawl zui a nih thu an sawi. Dr. Ohad Einov chuan, “A nihna tak ah chuan naupang hi hun rei tak khawih a nih chhung khan a eng hriatna mah hi a hloh lova, pangai takin a awm theih bak ah tanpui ngai miahlo a a kal thei kha thi ho leh te tham chu a nilo a ni” tiin a sawi a ni.