Delhi inthlan atan AAP-in candidate tur puang

Delhi inthlan atan AAP-in candidate tur puang
Aam Aadmi Party (AAP) chuan Ningani khan nakuma Delhi assembly inthlan tura an candidate tur an puang ta a, mi 11 an puang phawt.
Candidates list-ah hian party dang atanga lut paruk lai an tel a. BJP hruaitu hlui – Brahm Singh Tanwar, Anil Jha leh BB Tyagi leh Congress hruaitu hlui – Chaudhry Zubair Ahmad, Veer Dhingan leh Sumesh Shokeen te an tel.
Kejriwal-a kaihhruai party hian an hruaitu hlun tak, Kailash Gahlot-a’n kalsana BJP a zawmsan hnu lawkah candidate hi an puang a ni.
Gahlot-a hi AAP sorkarah minister lai niin a nihna a bansan bakah party a chhuahsan a, hei hi February, 2025-a inthlang mai tawh tur an nih avangin AAP tan chuan thil pawi thei tak a ni.
BJP hruaitu hian a banna lehkhaah ‘party chhungah indona a nasa’ niin a sawi a, ‘inmil lohna nasa tak chuan Delhi mipuite hnena an tiam tam tak an tihhlawhtlin theih loh phah’ niin a tar lang.
Pathianni khan AAP National Convenor Kejriwal-a hian Delhi inthlan tur chu dikna indona a nih thu leh party worker-te chu candidate mi mal en lova Delhi bial 70 awmnaa an tih turah thlir turin a ti.