New Delhi leh Ottowa inkar chuan chhiat lam pan zelin September 20 khan India chuan India mi Canada tlawh tumte chu fimhur tura tiin Indian mission-ah in register zel turin a ti.
Ministry of External Affairs-in thuchhuah a siam hma lawk hian Canada chuan travel advisory-a khua leh tuite hnenah tichhuakin India ram an tlawh a nih pawhin fimkhur taka awm turin a ti a ni.
“Anti-India activity thleng mek zel leh Canada-a politics thila criminal violence thleng mekah India mite chu an zin a nih pawhin fimkhur tur a ni. High Commission/Consulates General chuan Canadian thuneitu Canada-a India mite an him theih nan a be pawp reng ang” tiin Ministry of External Affairs-in fimkhurna thu a chhuah chuan a tarlang.
Canada-India inlaichinna chu “Indo Hindus Leave Canada” online campaign Sikhs for Justice leader Gurpatwant Singh Pannu tena an huaihawt chuan a tizualkai bawk.
MEA chuan, “Tun hnaiah Indian diplomats leh India mite anti-India agenda dote tana pawi thei thil a awm a. Hei vang hian India mite chu Canada an tlawhah fimkhur tura ngen an ni” tiin a tarlang bawk.
Ram pahnih inlaichinna chhiat chhan hi Canada House of Commons-a June thlaa pro-Khalistan ideologue Hardeep Singh Nijjar Birtish Columbia-a thah a nih chungchangah Indian agent-te inrawlhna a tih vang a ni a. Hemi hnu hian Canadian Foreign Minister Melanie Joly chuan Ottowa-a High Commission of India diplomat Pavan Kumar Rai chu a hnawtchhuak nghal a, Rai chu Research and Analysis Wing (R&AW) of India head of station ni mek a ti bawk.
Hei hi chhang letin India chuan senior Canadian diplomat chu Thawhlehni khan hnawtchhuak zui ve nghalin, ni nga chhunga India chhuahsan tura tiin chumi hnuah Canada tlawh tumte fimkhur tura tihna a tichhuak zui nghal a ni.
Delhi leh Ottowa inkar chhe zual zel
Get real time updates directly on you device, subscribe now.
Prev Post
Next Post