Dengue damdawi thar hmuchhuak

Dengue khawsik natna hluar em em do letna kawngah Johnson & Johnson te chuan hmasawnna thar chuangkaiin damdawi mum mihring taksaa enchhin theih turin a peih fel ta.
Reuters in a report danin he damdawi mum (Pill) dengue natna hrik damlo tamtak tena an kai lo that theitu damdawi hmasa ber a nih tur thu an sawi a ni.
Dengue natna hrileng avang hian mihring tihrawl leh taksa inzawmna lai (Join) ah te natna siamin mihring maktaduaih tamtak kum tinin a tibuai thin a, heng natna vei tam ber te hi Asia leh Latin America-ah te an ni hlawm a.
A enkawlna damdawi bik mumal a la awm loh avang tein mi tam takin nunna an chan phah a, he damdawi hmuhchhuah a ni hian dengue natna hrik do kawngah hmasawnna kawng a rawn thlen ta a ni.
He damdawi enchhinna hi Johns Hopkins Bloomberg School of Public Health te nen neih niin hemi atana in volunteer mi 10 te hnenah enchhinna hi neih hmasak niin dengue natna hrik ang an taksa a chiu luh tak tak a nih hma ni ngaah damdawi mum 5 hi eitir an ni a. Hemi hnu hian he damdawi mum hi ni 21 chhung an ei chhunzawm leh nghal a ni. Ni 80 chhung ngun taka vil leh enkawl an nih hnuin mi 10 enchhinte zinga parukte chuan dengue natna hrik an pai tawh lo tih hmuh chhuah a ni a, dengue natna in mihring taksaa thil tha lo a hnutchhiah pawh engmah hmuh a ni ta lo a ni.