Pathianni zing lam khan Enterprise Center, St. Louis-ah UFC Fight Night neih a ni a. Palian huanga fighter lar Derrick Lewis chuan a khingpui Rodrigo Nascimento a knockout. Australian fighter Lewis hian UFC a knockout ngah ber record a siam a tihzau belh.
Heavyweight fighter Lewis leh a khingpui Nascimento te hi an inhnehtawk viau a. Nascimento hian tawnhriat ngah Lewis nawr buaiin, a chak teuh hman viau nghe nghe. Dinhmun derthawng zawka din chang nei bawk mah se round thumna tawp dawn hnaih lamah Lewis hi a che fuh a, a khingpui a knockout a, hnehna lian a chang nawn leh.
UFC a knockout ngah ber ni mek “The Black Beast, an tih mai Derrick Lewis hian a khingpui mi 15 zet a knockout tawh a, knockout tam lama amah hnaih bertu Frank Mir chuan mi 13 a knockout tawh. Palian huanga champion nguen ber Stipe Miocic chuan a khingpui mi pakua lai a knockout ve tawh bawk. UFC a knockout ngah ber Lewis hian UFC-ah vawi 29 fight a hmachhawn tawh a, vawi 19 a chak laiin vawi 10 zet tlawm zawkah a tang ve tawh bawk in, palian huangah No. 12 na a ni mek.
Derrick Lewis-a’n a record siam a tizau
Get real time updates directly on you device, subscribe now.
Prev Post
Next Post