DFO & RO ten Wildlife Act zir
Chief Wildlife Warden, Environment Forests & Climate Change Department Mizoram leh Wildlife Trust of India tangdun buatsaih Wildlife (Protection) Amendment Act 2022 zir hona ni hnih awh tur chu Thawhtanni khan Aizawlah PCCF RK Singh chuan a hawng. Training-ah hian Forest Division tin atangin DFO te bakah range officer-te an tel.
Sawrkar laipui chuan Wildlife (Protection) Amendment Act 2022 hi kumin April 1 atanga nungchate humhalh, venhim leh enkawlna kawnga khauh lehzuala kalpui a nih theihna’n hman tan turin hriattirna a tichhuak tawh a. Wildlife (Protection) Amendment Act 2022 hi dan hmasa zawk Wildlife (Protection) Act 1972 siamthatna a ni. He dan tharah hian Convention on International Trade in Endangered Species (CITES) in ramsa a humhalh chinte chu a rawn tihpun bakah ramsa hmanga sumdawnna chungchangah khuahkhirhna a siam thar a; dan hmasaa dan bawhchhetute hremna sum chawi tur pawh a tisang.
Wildlife (Protection) Amendment Act zirhona hi chief wildlife warden Lalrammawii Sailo chuan kaihruaiin, Wildlife Trust of India scientific advisor Rakesh K Singh chu resource person a ni.
DFO & RO ten Wildlife Act zir
Get real time updates directly on you device, subscribe now.
Next Post