Diabetics tana thei ei tur \ha
Diabetics tana thei ei tur tha
Fructose chu chini ang deuh thei (fruits) a awm a ni a, diabetics leh mi thau (overweight) tan a tha lo zawngin hna a thawk thei. Mahse, theihai leh grape te pawh tam vak lo chuan ei a pawi chuang lo thei ang. doctor-te chuan diabetic-te chu thei-ah pawh insulin control thei tur ei tam turin an rawn thin a, chutianga diabetic-ten an ei atan tha thei, Times Of India-in a tarlan te kan rawn chhawp chhuak ve e.
1. Red grapefruit. Grapefruit hi mizo ten kan nei ve chiah lo a nih hmel a, valencia kan tih te nen a inang hle a, mahse, a chhung a sen tak bik a ni. A thlum thur deuh suk a, tui a pai hnem hle bawk. Grapefruit chu diabatics tana thei hrisel ber pawl a ni a, nitin grapefruit pum chanve vel ei ziah theih a tha hle.
2. Theihmu. Theihmu chi hrang hrang te hian anti-oxidant an pai hnem a, fiber an pai tam bawk, chubakah carbohydrate an pai leh hle thung a, mahse, vitamin an pai hnem viau lawi si. Theihmu thum khat vel nitin ei ziah thei la a tha hle ang.
3. Hmazil. Vitamin B leh C a pai hnem a, beta-carotene, potassium leh lycopene a pai hnem bawk. Hmazil zai lep khat vel ei la, chu chuan i vitamin mamawh tawk a pe thei ang che.
4. Cherry. Cherry-ah hian anti-oxidant a tam hle a, carbohydrate leh glycemic level a hniam thung. Nitin cherry pum 12 vel ei thei la a tha tawk hle.
5. Theitehmul. A kawr a hmul deuh thep a, mahse, vitamin A leh C a pai hnem hle a, carbohydrate a pai tlem a, potassium leh fiber a pai hnem leh thung.
6. Apple. Apple i ei reng reng i kawr vel suh. A kawrah hian anti-oxidant a tam a, fibre leh vitamin C a pai hnem bawk.
7. Kiwi. Kiwi hian potassium, fiber leh vitamin C a pai hnem a, carbohydrate a pai tlem hle bawka, diabetic tan a tha hle. Nitin Kiwi pakhat ei thei la, i hriselna atan a tha hle ang.
8. Pear. Potassium leh fiber a pai hnem a, carbohydrate a pai tlem thung. Diabetic tan pear hi chaw tha tak a ni a, nitin pum khat ei thei la tha hle ang.
9. Serthlum. Vitamin C leh potassium a pai hnem a, carbohydrate a pai tlem thung. Grapefruit te nen a inang deuh a, diabetic tan ei him a ni.